گؤزلريم ياشلارلا دولور

هر قلمي اله آليب

آديوي كاغاذلار اوسته ياغديراندا

آما بو گئجه سنين اوچون يازاجاغام

اي يازيلماغا ياساق ديليم

بو گئجه صوبحه قدر

يازيلاجاقسان دا اوخوناجاقسان دا

ماهنيلاتماق ايسته ييرم سني من

دونيانين ديللرينه سالاجاغام

باغيرتاجاغام سني بو گئجه

اي بشر حاقلاريندا تانينمايان

گؤزلري ياشلي ديليم

ياشاتيرسان بيزي سن

ياشا منيم آنا ديليم

ياشا منيم آنا ديليم

گؤنده ر     بؤلوم لر: توركجه شعرلر